山峰與旅途的故事 Between Peaks and Roads

歐洲有一個 app 叫 “Too good to go”，以減少浪費食物為目標，打折幫食巿或超巿賣當天賣不出去/快將過期的食物，通常價錢為原價七折。我試過一兩次，但不太喜歡。因為那些是盲盒食物，你不知道食巿或超巿給您的是甚麼；而我對食物都頗揀擇，又不愛甜，對抽盲盒食物大多失望而回。另外，Too good to go 另一個問題是份量和質素，可能份量太大而當天就是expiry date，我家人少根本吃不完，然後產生另一種浪費；又或是份量太少，而覺得不值得盲盒去買。 不過，最近我發現了 Brussels 另一個有同樣理念的 app，叫 “Happy Hours Market”。他們在不同地方開了取貨門巿，用戶當天在 app 選購由超市/店舖提供的快將過期食品，包括新鮮魚肉菜、飲品等等，價錢是正價的七折或半價不等，各貨品還說明重量、食用限期，方便用戶自行決定買多少。訂貨之後就於當天指定時間到指定門巿改貨，非常方便。 雖然是快將過期，但我買過魚和肉都還是很新鮮，而且只是原價的一半。還有他們的來貨不只是超巿，還有其他肉店或 bio shop；我買過兩次牛肉，來自小店，都覺得比超巿的新鮮牛肉還好。 圖中是我前天買的一份牛肉，只是 €2.4，已經鋪滿了instant pot，夠一個二人晚餐份量還有剩餘。 p.s. use my referral code and you will have 5 euro discount: RCyqh Continue reading

人到中年才學車考車牌，由準備筆試開始起計，經過了三年十個月才考完路線。考車牌的過程拖了好長，我想分享一下之前失敗的原因： 拖了又拖 — 筆試合格之後，因為種種原因，我等了一年才去學車。到了學車時，其實不少理論已經忘了，所以未能做到實踐與理想並重。到我肥了路線之後，筆試又過期要重新再考，結果猶如開機又熄機又再開機，機器（個腦）都要 warm up 好耐先可以再嚟過。 冇認真準備考試 — 考筆試，我會識操 paper；但考路線，我以為識揸車去考就得。其實路試都係一個考試，有試題（路線），有 marking scheme（考官睇你做唔做到指定動作）。就算成條街都冇人冇車，但揸到去 roundabout，考官都會睇你識唔識得入 roundabout 前檢查死角有冇cyclist 嚟緊。我冇練習路線，又冇了解考官睇乜，零準備當然好難合格。 心態 — 我最初考車覺得自己都冇出意外，應該都考到合格。但揸車冇出意外只係基本，考車牌的要求係預防意外、指示清楚、執生夠快。僥倖心態係唔可以考到車牌。 懶 — 我成日好多藉口懶練車，天氣差少少又唔想揸，放工累了又唔想揸，放假去旅行又冇乜時間揸，最後斷斷續續揸下又唔揸，一放低就容易忘記。 拖了又拖又考不到車牌後，我曾經也想過不如放棄：我反應又慢；我冇天份揸車；我又唔係好鍾意揸車… 超多負面說話都出現過游說自己放棄，連教車師傅喺最後一堂補鐘都話我揸得差，如果補鐘係模擬考試，我已經肥左超過三次。 但擁有車牌可以令我的 mobility 大增，我可以去更遠的地方，我以此是目標，游說自己點都要完成。 經歷多次失敗之後，我超級冇信心，男朋友鼓勵我： “confidence comes from practice”。我好好檢視自己的學習模式，在臨考試前一個星期狂操練車，最後我考車牌成功路試了。 我想總結以下我自己人到中年，在沒有天資下學習新技能的三個反思，提醒自己日後也要好好記住。 一，掌握新技能其實是肌肉操練。揸車要練習睇得夠遠夠闊（睇路牌、睇人、睇車），手又要控制呔盤到剛剛好的位置，適當時間擰轉頭睇死角、睇隔離線，成件事是一組肌肉的操練。明白了這是不同身體部分一齊合作的事情後，我就用做運動的心態來揸車：在適當的時候，做某個動作。而且肌肉操練需要成日做，不能夠成日唔做，這就沒有藉口唔去做。而經過多次肌肉的重複操練，腦袋都會自動記住這些動作，揸車也會流暢多了。 二，角色扮演來調整心態。經過多次失敗後，我揸車都沒有信心。我臨考試前看了《100 yen love》這日本電影，看到女主角練打拳日練夜練，我在想一個演員要扮演某種角色時，除了靠操練，也要心態上入戲成為一個準備比賽的拳手。我一直開車都沒有信心，自操練揸車肌肉後，我的技術都漸有進步，我也開始心理入戲：我是一個安全駕駛、還可以避免意外出現的司機。 三，讓新技能成為刷牙一樣的習慣。我喜歡的一本書《Atomic habits》提到建立習慣的重要，那不只是習慣，也是朝向自己想成為的一個身分。我檢討自己以前時常有藉口懶開車，現在只要有機會揸車，我都提醒自己要練習。建立習慣，才可以鞏固技能。考到車牌只是得到一個資格用車，我也要持續揸車，我才可以有信心日常使用。 狠狠失敗也有其意義，就是讓我深切體會到「必須要很努力練習，才能看起來不費氣力」。 Continue reading